გიორგი მუმლაძე - „ქართულ ოცნებას“ უნდა მივაკითხოთ ყველგან - მათ უნდა იგრძნონ, რომ მოღალატეობრივი ხელისუფლება ძალიან მალე დასრულდება

„ნაციონალური მოძრაობის“ წარმომადგენლის, გიორგი მუმლაძის განცხადებით, პრორუსული „ქართული ოცნება“ ხელისუფლებას უნდა ჩამოშორდეს.

როგორც მან „ქართული ოცნების“ ოფისთან აქციაზე განაცხადა, საპროტესტო აქციები გაგრძელდება.

„ქართულ ოცნებას“ უნდა მივაკითხოთ ყველგან - საცხოვრებელი სახლი იქნება, სამუშაო ადგილი თუ სხვა, როგორც მდინარაძეს მივაკითხეთ და პასუხი ვაგებინეთ ანტისახელმწიფოებრივი განცხადებების გამო. მათ უნდა იგრძნონ, რომ მოღალატეობრივი ხელისუფლება ძალიან მალე დასრულდება.

იმის ნაცვლად, რომ ხელისუფლება მხარს უჭერდეს უკრაინას, რუსულ იდეოლოგიას იზიარებს. ეს არის სამარცხვინო და კატასტროფა, ამიტომ სწრაფად უნდა მოვიშოროთ ეს ხელისუფლება და ჩვენ უკრაინასა და მოლდოვასთან ერთად გავხდეთ, როგორც ევროკავშირის, ისე ნატო-ს წევრი სახელმწიფო“, - განაცხადა მუმლაძემ.

რაც შეეხება უშუალოდ აქციებს, ასევე, ყოფილ პრეზიდენტ მიხეილ სააკაშვილთან დაკავშირებულ საკითხს, მისი თქმით, მიმდინარეობს მზადება მასშტაბური აქციისთვის.

„ჩვენ ასე წერტილოვნად მივალთ ყველგან. ეს პროტესტი არის მზადება დიდი და მასშტაბური აქციისთვის, რომელმაც საბოლოოდ, ამ ქვეყანაში უნდა მოიტანოს გამარჯვება. ეს გამარჯვება იქნება მიხეილ სააკაშვილის გათავისუფლება და რუსული რეჟიმის დამარცხება. რუსული რეჟიმი მხოლოდ ჩვენი აქტიური მოქმედებებით დამარცხდება. ამ რაოდენობის პოლიცია ნიშნავს ერთს, რუსული რეჟიმი შეშინებულია და კარგად აცნობიერებს თავის ბოროტ ქმედებებს. ჩვენი შვილების მომავლისთვის მათ აუცილებლად მოუწევთ საფასურის გადახდა. ეს საფასური იქნება ხელისუფლებიდან ჩამოშორება“, - განაცხადა მუმლაძემ.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო