გიული ალასანია „იმედს“ და „რუსთავი 2“-ს მოუწოდებს, კლინიკა „ვივამედში“ შევიდნენ და საზოგადოებას აჩვენონ, როგორც გამოიყურება მიხეილ სააკაშვილი
კატასტროფული მდგომარეობაა. ადამიანი უკვე 67 კილოგრამია, - ამის შესახებ ყოფილი პრეზიდენტის დედამ, გიული ალასანიამ კლინიკა „ვივამედში“ მიხეილ სააკაშვილის მონახულების შემდეგ განაცხადა.
ექსპრეზიდენტის დედა მედიასაშუალებებს მოუწოდებს, კლინიკა „ვივამედში“ შევიდნენ და საზოგადოებას აჩვენონ, რეალურად როგორც გამოიყურება მიხეილ სააკაშვილი.
„კატასტროფული მდგომარეობაა. ადამიანი უკვე 67 კილოგრამია. ექთანმა მომაწოდა ინფორმაცია მისი მდგომარეობის შესახებ. ეს ის ზღვარია, რის შემდეგადაც იწყება ორგანოების გათიშვა, რომლის შემდეგაც აღარაფერი სიკვდილის გარდა არ რჩება.
„რუსთავი 2“-ის და იმედის” ჟურნალისტებო, თქვენს უფროსებს უთხარით მოგცეთ საშუალება, რომ კლინიკა „ვივამედში“ შეხვიდეთ და რეალური კადრები გადაიღოთ და არა ის, რაც გუშინ აჩვენეთ“, - განაცხადა ალასანიამ.
