კახა კალაძე - სააკაშვილი ე.წ. მეგობრებთან ერთად ცდილობს, ციხეს თავი დააღწიოს, ჯანმრთელობის მდგომარეობის გაუარესება არის დადგმული სცენარი - თუ არ მივიღებთ შესაბამის კალორაჟს, ჩვენც დავსუსტდებით

სააკაშვილი დღეს ე.წ. მეგობრებთან ერთად ცდილობს ციხეს თავი დააღწიოს. ვითომ ჯანმრთელობის მდგომარეობის გაუარესება დადგმული სცენარია, - ამის შესახებ დედაქალაქის მერმა, კახა კალაძემ განაცხადა.

როგორც კალაძე განმარტავს, მიხეილ სააკაშვილის „ციხიდან დახსნა შეუძლებელია.“

„ის, რაც ხდება სააკაშვილთან დაკავშირებით, ამაში მხოლოდ სააკაშვილი არ არის ჩართული. ამაში ჩართული არიან ე.წ. ჩვენი მეგობრები. მისი შემოყვანის დღიდან დაგეგმილი იყო ქვეყანაში გადატრიალების მოწყობა, დაპირისპირება, რევოლუცია. ეს ყველაფერი გაწერილი იყო, მაგრამ ჩაუფლავდათ. სააკაშვილი დღეს ე.წ. მეგობრებთან ერთად ცდილობს ციხეს თავი დააღწიოს. ის ყველაფერი რაც კეთდება, ვითომ ჯანმრთელობის მდგომარეობის გაუარესება, ეს არის დადგმული სცენარი. როდესაც ადამიანი მიზანმიმართულად არ იღებს საკვებს, ცხადია, დასუსტდება... პირადად მე, ჩემს თანაგუნდელებს რატომ უნდა გაუხარდეთ სააკაშვილის ან ნებისმიერი პატიმრის სიკვდილი, მაგრამ ეს ადამიანი თვითდაზიანების რეჟიმშია. თუ არ მივიღებთ შესაბამის კალორაჟს, ჩვენც დავსუსტდებით“, - აღნიშნავს კალაძე.

როგორც მან განმარტა, ხელისუფლება ყველაფერს აკეთებს, რომ რაც შეიძლება სწრაფად მოხდეს სტატუსის მონიჭება და ევროპულ ოჯახში გაწევრიანება.

„ ჩემთვის, როგორც დედაქალაქის მერისთვის, როგორც „ქართული ოცნების“ გენერალური მდივნისთვის, მნიშვნელოვანია, ჩემი ქვეყნის მოქალაქეებმა იცოდნენ სიმართლე, რეალობა. ჩვენ ერთი წამით არ გადაგვიხვევია იმ გზიდან, რასაც ევროინტეგრაცია ჰქვია, მაგრამ როდესაც ვისმენთ ასეთ აბსურდულ განცხადებებს, როდესაც ვისმენთ აბსურდულ რეზოლუციებს, ამას ჩვენი მხრიდან ექნება რეაგირება და შესაბამისი პასუხები, რადგან ყოველთვის ვიცავდით, ვიცავთ ჩვენი ქვეყნის ინტერესს“, - განაცხადა კალაძემ.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო