ნორვეგიის სადაზვერვო სამსახური აცხადებს, რომ რუსეთი ნორვეგიისა და ევროპის უსაფრთხოებისთვის მთავარი საფრთხეა
ნორვეგიის სადაზვერვო სამსახურის განცხადებით, რუსეთი ნორვეგიისა და ევროპის უსაფრთხოებისთვის მთავარ საფრთხეს წარმოადგენს.
„დღეს რუსეთი უდიდეს საფრთხეს უქმნის ნორვეგიისა და ევროპის უსაფრთხოებას, და დასავლეთთან კონფრონტაცია ხანგრძლივი იქნება“, - განაცხადა ნორვეგიის თავდაცვის მინისტრმა.
ამასთან, როგორც საინფორმაციო სააგენტო Associated Press იუწყება, ნორვეგიის საგარეო დაზვერვის სამსახურის უფროსის მოადგილემ ლარს ნორდრუმმა განაცხადა, რომ ნორვეგიის ნავთობისა და გაზის დანადგარები შესაძლოა რუსული დივერსიის სამიზნე გახდეს.
„მას შემდეგ, რაც რუსეთმა საკუთარი გაზის ექსპორტი დასავლეთში დაასრულა, ნორვეგია ახლა ევროპის ყველაზე მნიშვნელოვანი ენერგეტიკული მიმწოდებელია“, - აღნიშნა ნორდრუმმა.
