ანალენა ბერბოკი ელის, რომ ნატო-ს ყველა წევრი ფინეთისა და შვედეთის განაცხადის რატიფიცირებას „შემდგომი დაყოვნების გარეშე“ მოახდენს
გერმანიის საგარეო საქმეთა მინისტრი, ანალენა ბერბოკი მოელის, რომ ნატო-ს ყველა წევრი სახელმწიფო, მათ შორის თურქეთი და უნგრეთი, ალიანსში გაწევრიანების შესახებ ფინეთისა და შვედეთის განაცხადის რატიფიცირებას „შემდგომი დაყოვნების გარეშე“ მოახდენს.
ჰელსინკში, ფინელ კოლეგასთან, პეკა ჰავისტოსთან გამართულ ერთობლივ პრესკონფერენციაზე, გერმანიის საგარეო უწყების ხელმძღვანელმა განაცხადა, რომ ფინეთისა და შვედეთის ნატოში გაწევრიანება ალიანსს გააძლიერებს.
