ჯონ კირბი - ჩინეთი აეროსტატის საშუალებით აშშ-სა და მის მოკავშირეებს წლების განმავლობაში უთვალთვალებს

ჩინეთი მაღალი სიმაღლის აეროსტატის პროგრამას აშშ-სა და მის მოკავშირეებზე თვალთვალისთვის მრავალი წლის განმავლობაში ახორციელებს, - ამის შესახებ თეთრი სახლის სტრატეგიული კომუნიკაციების კოორდინატორმა ეროვნული უსაფრთხოების საკითხებში, ჯონ კირბიმ აშშ-ში ბოლო რამდენიმე დღეში ჩამოგდებული მფრინავი ობიექტების შესახებ საუბრისას განაცხადა.

მისი თქმით, სათვალთვალო პროგრამა თარიღდება სულ მცირე დონალდ ტრამპის ადმინისტრაციის დროიდან.

„ის მოქმედებდა წინა ადმინისტრაციის დროს, მაგრამ მათ ეს ვერ აღმოაჩინეს. ჩვენ აღმოვაჩინეთ, მივადევნეთ თვალი და ყურადღებით ვსწავლობდით, რომ რაც შეიძლება მეტი გაგვეგო. ვიცით, რომ ჩინეთის სახალხო რესპუბლიკის სათვალთვალო საჰაერო ბუშტებმა ათობით ქვეყანაში შეაღწიეს, ჩვენი უახლოესი მოკავშირეებისა და პარტნიორების ჩათვლით“, - აღნიშნა ჯინ კირბიმ.

მისი თქმით, აშშ-ის ხელისუფლებას მეტი ეცოდინება, როდესაც ჩამოგდებული მფრინავი ობიექტების ნამსხვრევებს შეისწავლიან. ამასთან, მისი თქმით, ჩამოგდებული სამი ობიექტი ბევრად უფრო პატარა იყო და დაბალ სიმაღლეზე მოძრაობდა, ვიდრე ჩინური სათვალთვალო აეროსტატი, მაგრამ მათი წარმომავლობა, შემადგენლობა და დანიშნულება ამ დრომდე უცნობია.

შეგახსენებთ, აშშ-ში, 4 თებერვლის შემდეგ 4 მფრინავი ობიექტი, მათ შორის ერთი ჩინური სათვალთვალო აეროსტატი ჩამოაგდეს.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო