მეუფე ნიკოლოზ ფაჩუაშვილის განცხადებით, ის საქართველოს ყოფილ პრეზიდენტთან მიხეილ სააკაშვილთან პატრიარქის ლოცვა-კურთხევით დადის.

როგორც სინოდის სხდომის დასრულების შემდეგ მეუფე ნიკოლოზმა ჟურნალისტებს განუცხადა, ის დღესაც იყო მისულ მიხეილ სააკაშვილთან და აზიარა,

„მიხეილ სააკაშვილის მდგომარეობას ჩვენ აქამდეც შევხებივართ. მე პატრიარქის ლოცვა-კურთხევით დავდივარ მასთან, ვაზიარებ. დღესაც ვიყავი და ვაზიარე. მინდა გითხრათ, რომ ეს არის ჩვენი ეკლესიის დამოკიდებულება ამ პიროვნების მიმართ. მეტი კიდე რაღა უნდა იყოს, მიტროპოლიტი დადის მასთან“, - განაცხადა მეუფემ

კითხვაზე რაიმე რეკომენდაცია ხომ არ გაიცემა სინოდის მხრიდან სააკაშვილთან დაკავშირებით, მეუფე ნიკოლოზმა აღნიშნა, რომ არავითარი უფლებამოსილება არ აქვთ.

„არ გვაქვს არავითარი უფლებამოსილება, სეკულარულ ქვეყანაში ვცხოვრობთ, ჩვენ ვართ შედეგზე ორიენტირებულები, არავითარი იურიდიული ბერკეტი არ გვაქვს მაგის“, - განაცხადა მეუფემ.

კითხვაზე, მიმართვის ბერკეტი ხომ მაინც აქვთ, მეუფემ უპასუხა: „მივმართავ, მეტი რაღა გავაკეთო“.