აშშ ელის, რომ უკრაინა შეტევას გაზაფხულზე დაიწყებს. ამის შესახებ აშშ-ის თავდაცვის მდივანმა ლოიდ ოსტინმა ბრიუსელში “რამშტაინის” ფორმატში სხდომის შემდეგ გამართულ პრესკონფერენციაზე განაცხადა.

“ვხედავთ, რომ რუსეთის ფედერაცია ახალ ძალებს გზავნის ბრძოლის ველზე. უკრაინას რისი გაკეთება სურს ახლა - ბრძოლის ველზე დაამყაროს პირობები, რომლებიც მომავალშიც მათ სასარგებლოდ იქნება. მათგან იერიშს გაზაფხულზე ველით. ამიტომ საკონტაქტო ჯგუფის პარტნიორებთან ბევრს ვმუშაობთ, რათა უკრაინას პოტენციალი ჰქონდეს ჯავშანტექნიკაში, რათა საჭირო ეფექტი შეიქმნას ბრძოლის ველზე”, - თქვა ოსტინმა.

პენტაგონის მეთაურმა აღნიშნა, რომ მას სჯერა, რომ უკრაინა შეძლებს ინიციატივის გამოჩენას და მისთვის სასარგებლო პირობების შექმნას.

“ერთობლივი ძალისხმევებით მკაფიო გავხადეთ, რომ ვაპირებთ უკრაინას მის დამოუკიდებლობას მხარი იმდენ ხანს დავუჭიროთ, რამდენიც საჭირო იქნება. გავაგრძელებთ გაბედული ნაბიჯების გადადგმას. თვის დასაწყისში აშშ-მა უკრაინისთვის მორიგი სამხედრო დახმარების შესახებ გამოაცხადა, მათ შორის HIMARS სისტემების, საბრძოლო მასალისა და ტანკსაწინააღმდეგო ჭურვებზე. ამას გარდა, უკრაინის თავდაცვისუნარიანობის გასაძლიერებლად 1.75 მილიარდი დოლარი გამოვყოთ”, - თქვა ოსტინმა.