„საქართველოს ბანკის“ მხარდაჭერით Startup Grind Tbilisi მორიგ ღონისძიებას გამართავს

„საქართველოს ბანკი“ სტარტაპების მიმართულებით პროექტების ხელშეწყობას აქტიურ რეჟიმში აგრძელებს - ამ მიზნით, ბანკის მხარდაჭერით Startup Grind Tbilisi-ის მორიგი ღონისძიება, 17 თებერვალს, TERMINAL-ში გაიმართება, სადაც Payze-ს თანადამფუძნებელი, გეგა წურწუმია ქართული ფინტექ-კომპანიის განვითარების ეტაპებზე ისაუბრებს.

„საქართველოს ბანკის“ ინფორმაციით, პანელურ დისკუსიაზე სტუმრებს შესაძლებლობა ექნებათ, მოისმინონ, თუ როგორ მიაღწია წარმატებას Payze-მ, როგორია იყო Shopify-სა და Wix.com-ის პარტნიორი, ამასთან ერთად გაიგონ, თუ რა გამოცდილება მისცა და როგორ მიიღო მონაწილეობა მსოფლიოს წამყვან სტარტაპ-აქსელერატორში, Y Combinator-სა და 500 Georgia-ში.

კომპანიის ცნობით, სტუმრებს ასევე შესაძლებლობა ექნებათ, დასვან კითხვები ისეთ თემებზე როგორიცაა: საერთაშორისო ბაზარზე გასვლა და თავის დამკვიდრება. პანელური დისკუსიის შემდეგ კი, ტრადიციულად, ნეთვორქინგი შედგება, სადაც ტექნოლოგიით დაინტერესებული ადამიანები, მეწარმეები და ინოვატორები ერთმანეთს ხედვებს გაუზიარებენ.

„დღესდღეობით ერთ-ერთი ყველაზე აქტუალური თემაა, ის თუ როგორ ცდილობს სტარტაპი საერთაშორისო ბაზარზე გასვლას, რადგან საქართველო ძალიან მცირე ბაზარია გლობალური წარმატების მისაღწევად. შესაბამისად, ჩვენი ღონისძიებების მიზანიც სწორედ ისაა, რომ გამოცდილმა სტარტაპებმა შეხვედრაზე მოსულ სტუმრებს საკუთარი ცოდნა და გამოცდილება გაუზიარონ. ჩვენი მორიგი ღონისძიებაც მათთვისაა, ვისაც სურს მეტი გაიგოს სტარტაპის მართვის შიდა სამზარეულოზე, მის უპირატესობებსა და სირთულეებზე“, - განაცხადა Startup Grind Tbilisi-ის თანადირექტორმა, გიორგი ტუხაშვილმა.

„საქართველოს ბანკის“ ცნობით, ღონისძიება ინგლისურ ენაზე ჩატარდება. დაინტერესებული პირები კი, რეგისტრაციის გავლას წინასწარ, მითითებულ ბმულზე შეძლებენ: https://www.startupgrind.com/events/details/startup-grind-tbilisi-presents-dances-with-giants-partnering-with-shopify-wix-and-visa/

ცნობისთვის, Payze, 500 Georgia-ს აქსელერაციის პროგრამის მეორე ნაკადის გამარჯვებულია, რამაც მას საერთაშორისო ბაზარზე გასვლის შესაძლებლობა მისცა.

Payze - ეს არის ქართული ფინტექ-კომპანია, რომელიც ელექტრონულ კომერციაში ჩართულ კომპანიებს, როგორც საქართველოში, ასევე უზბეკეთში, ანგარიშწორების საკითხებში მოგვარების ახალ გზებს სთავაზობს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია