ბულგარეთის ელჩი - ვფიქრობთ, საქართველო მეტს იმსახურებს და იმედი გვაქვს, რომ წლის ბოლოსთვის კანდიდატის სტატუსზე ნათელი და კარგი გადაწყვეტილება გვექნება - ეს საკვანძო მომენტია ქვეყნისთვის

იმედი მაქვს, რომ არა მხოლოდ ხელისუფლება, ყველა გაიაზრებს ვისაც პოლიტიკასთან აქვს შეხება, რომ ეს საკვანძო მომენტია ქვეყნისთვის, - ამის შესახებ საქართველოში ბულგარეთის ელჩმა ვესელინ ვალკანოვმა ჟურნალისტებს განუცხადა.

როგორც ელჩმა აღნიშნა, რომ ბულგარეთის მთავრობას ევროკავშირისკენ საქართველოს გზასთან დაკავშირებით “დადებითი მოლოდინები აქვს”.

„ახლა, როდესაც მას წინსვლისთვის ფანჯარა აქვს ღია, მან უნდა გამოიყენოს იგი. მათ ყველაფერი შესაძლებელი უნდა გააკეთონ. მთავრობას, რა თქმა უნდა, ძირითად პასუხისმგებლობა აკისრია, რადგან ხელისუფლებაში არიან. მათ ყველაფერი შესაძლებელი უნდა გააკეთონ, რათა პირობები დააკმაყოფილონ. ოდესღაც ბულგარეთიც მიისწრაფოდა ევროკავშირში წევრობისკენ, ვიცით როგორ ხდება ეს, ძალიან რთულია, ხანდახან სადავოა, ქვეყანაში არსებული შეხედულებიდან გამომდინარე გაკრიტიკებენ და ძალიან რთულია ხალხი დაარწმუნო. მაგრამ ამ დიდი მიზნის როდესაც გჯერა, კომპრომისები შესაძლებელია”, - თქვა ვალკანოვმა.

ამასთან, მისივე განცხადებით, ბულგარეთი ცდილობს საქართველოს ევროკავშირისკენ მიმავალ გზაზე დახმარება გაუწიოს.

„ვცდილობთ, საქართველოს ყოველ ეტაპზე დავეხმაროთ. ჩვენ ხელი შევუწყვეთ საქართველოს მიეღო ის, რასაც იმსახურებს. ვფიქრობთ, ის მეტს იმსახურებს და იმედი გვაქვს, რომ წლის ბოლოსთვის ეს ყველასთვის იქნება ნათელი და კარგი გადაწყვეტილება გვექნება საქართველოსთვის“, - აღნიშნა ვალკანოვმა.

სააკაშვილთან დაკავშირებით საუბრისას ელჩმა აღნიშნა, რომ მისი აზრით “რაც უფრო სწრაფად გადაიდება ეს პრობლემა გვერდზე, მით უკეთესი”.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი