გელათმა გაუძლო ასწლეულებს, გაუძლო იმპერიების შემოტევას, მაგრამ ვერ გაუძლო „ქოციანობის" 10 წელს, - ეს განცხადება ჟურნალისტებთან "სტრატეგია აღმაშენებლის" დეპუტატმა, პაატა მანჯგალაძემ გააკეთა.
მანჯგალაძის თქმით, საპატრიარქოს მიერ გავრცელებული განცხადებით დასტურდება, რომ გელათთან დაკავშირებით ძირითადი პრობლემები 2014-2015 წლიდან მას შემდეგ დაიწყო, რაც "ქართულმა ოცნებამ" აღდგენითი სამუშაოები ჩაატარა.
„ქოციანობის" ათმა წელმა წარმოუდგენელი მასშტაბის ზიანი მიაყენა იმ ავთენტურ ფრესკებს, რომელიც დავით აღმაშენებლის პერიოდიდან თარიღდება. ეს მარტო საქართველოს კულტურული მემკვიდრეობა არ არის. ეს არის მსოფლიო კულტურული მემკვიდრეობა, რომელმაც "ქართულ ოცნებას" და "ქოციანობას" ვერ გაუძლო", - განაცხადა პაატა მანჯგალაძემ.