ფინანსთა მინისტრი ლაშა ხუციშვილი თანამშრომლობისა და განვითარების ორგანიზაციის (OECD) წარმომადგენლებს შეხვდა

საქართველოს ფინანსთა მინისტრი ლაშა ხუციშვილი ეკონომიკური თანამშრომლობისა და განვითარების ორგანიზაციის (OECD) „საგადასახადო ინსპექტორები საზღვრების გარეშე“ სამდივნოს ხელმძღვანელს, რუსუდან კემულარიას და OECD-ის საგადასახადო პოლიტიკისა და ადმინისტრირების ცენტრის უფროს მრჩეველს, ენდრიუ აუერბახს შეხვდა.

ფინანსთა სამინისტროს ინფორმაციით, შეხვედრაში ასევე მონაწილეობდნენ ფინანსთა მინისტრის მოადგილე მამუკა ბარათაშვილი და საგადასახადო და საბაჟო პოლიტიკის დეპარტამენტის ხელმძღვანელი მარინე ხურციძე.

„დელეგაციის ვიზიტის მიზანია საგადასახადო შეღავათებისა და ციფრული ეკონომიკის დაბეგვრის მეორე სვეტის დანერგვის საპილოტე პროგრამის გახსნა.

პროგრამის ფარგლებში, OECD დახმარებას გაუწევს საქართველოს ციფრული ეკონომიკის დაბეგვრის მე-2 სვეტის დანერგვაში. სამდღიანი ვიზიტის განმავლობაში, დაგეგმილია სამუშაო შეხვედრები ფინანსთა სამინისტროსა და შემოსავლების სამსახურის თანამშრომლებთან, აგრეთვე, საქართველოს პარლამენტისა და ეროვნული ბანკის წარმომადგენლებთან.

აღსანიშნავია, რომ საქართველო 2016 წლის 14 ივნისს ერთ-ერთი პირველი იყო იმ ქვეყნებს შორის, რომლებიც მიუერთდნენ BEPS-ის ინკლუზიურ პლატფორმას და იკისრეს ამ პროექტით გათვალისწინებული მინიმალური სტანდარტების დანერგვის ვალდებულება, გადასახადებისთვის თავის არიდების წინააღმდეგ ბრძოლის, საერთაშორისო დაბეგვრის მოქმედი წესების სრულყოფისა და უფრო გამჭვირვალე საგადასახადო გარემოს უზრუნველყოფის მიზნით.

ამასთან, საქართველო აქტიურად არის ჩართული ციფრული ეკონომიკის განვითარებიდან გამომდინარე საგადასახადო გამოწვევების დასაძლევად მიმდინარე პროექტებში, რომლის ფარგლებშიც საქართველომ 138 იურისდიქციასთან ერთად, 2021 წლის 8 ოქტომბერს მხარი დაუჭირა OECD-ის ოფიციალურ განცხადებას საერთაშორისო საგადასახადო წესების რეფორმირების ორსვეტიან გეგმასთან დაკავშირებით“, - აღნიშნულია უწყების მიერ გავრცელებულ ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია