პაატა მანჯგალაძე - Inter Rao-სთან დავამ დაადასტურა, რამდენად არაკომპეტენტურია კახა კალაძე - ნორმალურ ქვეყანაში, თანამდებობის პირი, რომელიც ხალხის წინაშე პასუხისმგებლობას გრძნობს, ამ მასშტაბის ზიანის გამო გადადგებოდა

ნორმალურ ქვეყანაში, სადაც თანამდებობის პირი ხალხის წინაშე პასუხისმგებლობას გრძნობს, ამ მასშტაბის ზიანის გამო თანამდებობიდან გადადგებოდა - Inter Rao-სთან დავამ კიდევ ერთხელ დაადასტურა, თუ რამდენად არაკომპეტენტურია კახა კალაძე, - ამის შესახებ ჟურნალისტებს „სტრატეგია აღმაშენებლის“ დეპუტატმა პაატა მანჯგალაძემ განუცხადა.

მანჯგალაძის თქმით, კალაძის შეცდომებიდან გამომდინარე, საქართველოს რამდენიმე მილიონის გადახდა უწევს.

„ეს უკვე მეორე შემთხვევაა, როცა 76 მილიონის გადახდა გვიწევს. ამ დროს სააკაშვილს 10 მილიონის გაფლანგვას ედავებიან და ნიკა გვარამია საკუთარი ფირმის კუთვნილი მანქანის გადაადგილების გამო ჰყავთ პატიმრობაში - აი, ასეთ ქვეყანაში გვიწევს ცხოვრება. როცა მთელი სახელმწიფო მანქანა გადართულია ივანიშვილის მილიარდების გადარჩენაზე, საქართველოს გადასახადის გადამხდელების ათეული მილიონი არავის ადარდებს. ამაზე მინიმუმ კალაძემ პასუხი უნდა აგოს. თავის მართლება იმის თაობაზე, რომ 200 მილიონს ითხოვდნენ და 90 მილიონი გადაუხადეს არის უზნეობა, უსირცხვილობა, არაკომპეტენტურობა. როდესაც ასეთი ფაქტები დასავლეთში ხდება, თანამდებობის პირის პასუხისმგებლობის საკითხი აუცილებლად დადგება, მაგრამ ამათი პასუხისმგებლობა არ დადგება, რადგან პასუხისმგებლობა სახელმწიფოს წინაშე არ გრძნობენ - ამათთვის მთავარია საკუთარი მილიონები და ივანიშვილის მილიარდების გადარჩენა. კიდევ რა ზიანი უნდა მიაყენოს კახა კალაძემ ქვეყანას, რომ მივხვდეთ - ის არ შეიძლება ყოფილიყო მინისტრი და არ შეიძლება იყოს მერი!“ - განაცხადა პაატა მანჯგალაძემ.

ცნობისთვის, საქართველომ Inter Rao-სთან ორი საარბიტრაჟო დავა წააგო. როგორც Bpn.ge წერს, ერთი მხრივ, საუბარია, 76 მილიონ დოლარიან საარბიტრაჟო დავაზე, რომელიც 2017 წლიდან მსოფლიო ბანკთან არსებულ საერთაშორისო საინვესტიციო დავების მოგვარების ცენტრში (ICSID) მიმდინარეობდა, მეორე დავა კი, საქართველომ სტოკჰოლმის საარბიტრაჟო ტრიბუნალში წააგო. საუბარია პარალელურ საინვესტიციო დავაზე Inter Rao-სთან, რომლის ფარგლებშიც ქვეყანას 112 მილიონი დოლარის გადახდა დაეკისრა. არსებული განმარტებით, საქართველოს არა ორივეს, არამედ, ერთ-ერთი დავის თანხის გადახდა მოუწევს, რადგან შეკრებითობა არბიტრაჟის შემთხვევაში არ ხდება.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი