სომხეთის საგარეო საქმეთა მინისტრი - ასეთ რთულ მომენტში თურქეთში ყოფნისას მინდა გავიმეორო სომხეთის მზადყოფნა აღადგინოს დიპლომატიური ურთიერთობები თურქეთთან, ასევე სრულად გახსნას საზღვარი

ასეთ რთულ მომენტში თურქეთში ყოფნისას მინდა კიდევ ერთხელ გავიმეორო სომხეთის მზადყოფნა აღადგინოს დიპლომატიური ურთიერთობები თურქეთთან, - ამის შესახებ სომხეთის საგარეო საქმეთა მინისტრმა არარატ მირზოიანმა ანკარაში თურქ კოლეგა მევლუთ ჩავუშოღლუსთან ერთად გამართულ პრეს-კონფერენციაზე განაცხადა.

„რა თქმა უნდა, დღეს ჩვენი შეხვედრა გამოწვეულია უბედურებით, რომელმაც ამდენი სიცოცხლე იმსხვერპლა, თუმცა ასეთ რთულ მომენტში თურქეთში ყოფნისას კიდევ ერთხელ მინდა გავიმეორო სომხეთის რესპუბლიკის მზადყოფნა დაამყაროს მშვიდობა რეგიონში და თურქეთთან ურთიერთობების სრული ნორმალიზება მოახდინოს, დაამყაროს დიპლომატიური ურთიერთობები და სრულიად გახსნას საზღვარი სომხეთსა და თურქეთს შორის. მინდა გაცნობოთ, როგორც მინისტრმა ჩავუშოღლიმ ცოტა ხნის წინ აღნიშნა, რომ დღეს ამ პროცესის ზოგი დეტალი განვიხილეთ და ანის ხიდის ერთობლივად აღდგენაზე შევთანხმდით, ისევე როგორც შესაბამისი ინფრასტრუქტურის საზღვრის გახსნამდე”, - თქვა მირზოიანმა.

ცნობისთვის, სომხეთის საგარეო საქმეთა მინისტრი თურქეთში დღეს ჩავიდა. იგი მიწისძვრის შედეგად დაზარალებულ ქალაქ ადიამანში სომხურ საძიებო-სამაშველო ჯგუფს შეხვდა. მოგვიანებით კი, ანკარაში თურქეთის საგარეო საქმეთა მინისტრს მევლუთ ჩავუშოღლუს შეხვდა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია