ბექა ლილუაშვილი - როგორი კადრებიც არ უნდა გამოიტანოს პენიტენციურმა სამსახურმა, „ქართულმა ოცნებამ“ სუფთად ჰუმანიტარული საკითხი უკვე აქცია საერთაშორისო პოლიტიკის ნაწილად და ამას მოხერხება უნდოდა

როგორი კადრებიც არ უნდა გამოიტანოს ახლა პენიტენციურმა სამსახურმა, „ქართულმა ოცნებამ" სუფთად ჰუმანიტარული საკითხი უკვე აქცია საერთაშორისო პოლიტიკის ნაწილად და ამას მოხერხება უნდოდა, - ასე ეხმიანება პარტია "საქართველოსთვის" წევრი ბექა ლილუაშვილი პენიტენციური სამსახურის მიერ გავრცელებულ კადრებს.

მისი თქმით, კადრების გამოტანა ვერავის ვერაფერში გადაარწმუნებს.

"კითხვის ნიშნები მიხეილ სააკაშვილის ჯანმრთელობის მდგომარეობაზე და ამის პოლიტიზირებაზე არის "ქართული ოცნების" და "ნაციონალური მოძრაობის" დამსახურება. ეს არის უდიდესი პასუხისმგებლობა, რაც სახელმწიფოს ანუ მმართველი პარტიის კისერზეა და ამას სჭირდება სწორი მართვა", - განახადა ლილუაშვილმა.

ცნობისთვის, სპეციალური პენიტენციური სამსახური საქართველოს მესამე პრეზიდენტის მიხეილ სააკაშვილის კლინიკა „ვივამედში“ ყოფნის ამსახველ ვიდეოკადრებს ავრცელებს. როგორც პენიტენციური სამსახურის მიერ გავრცელებულ ინფორმაციაშია ნათქვამი, გარკვეული მედიასაშუალებების მიერ საზოგადოების შეცდომაში შესაყვანად და მსჯავრდებულ მიხეილ სააკაშვილის ჯანმრთელობის მდგომარეობის შესახებ არასწორი აღქმების ჩამოსაყალიბებლად ვრცელდება ვიდეოკადრები, რომელთა მიხედვითაც მსჯავრდებულს არ შეუძლია დამოუკიდებლად ელემენტარული ფიზიკური მოქმედებების შესრულება და დახმარების გარეშე გადაადგილება. „ცრუ საინფორმაციო კამპანიის შესაძლო მიზანია სახელმწიფოს მხრიდან თითქოსდა არასათანადო რეაგირების წარმოჩენის გზით საზოგადოებრივი მღელვარების გამოწვევა და ქვეყნის დადებითი იმიჯის შელახვა. საზოგადოების ობიექტური ინფორმირების მიზნით ვაქვეყნებთ რამდენიმე ვიდეოკადრს, სადაც ნათლად ჩანს, რომ გავრცელებული ამბები არ შეესაბამება სინამდვილეს,"- აღნიშნულია განცხადებაში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია