ყველა იმ თანამშრომელს, რომელმაც შრომის ინსპექციისთვის ხმის მიწვდენა ვერ მოახერხა, რომ ხელფასი ხელოვნურად შეუმცირეს, ან სხვა პოზიციაზე დანიშნეს ანაზღაურების შემცირების მიზნით, ჩვენ ელექტრონულადაც გავაკონტროლებთ და ამას სწრაფი და ოპერატიული რეაგირება ექნება“, - ამის შესახებ ჯანდაცვის მინისტრმა, ზურაბ აზარაშვილმა მთავრობის სხდომის დასრულების შემდეგ განაცხადა.

მისივე თქმით, თუ კვირის განმავლობაში დასაქმებული 40 საათზე მეტს მუშაობს დამსაქმებელი ვალდებულია, რომ მათ დამატებით ანაზღაურება გადაუხადოს.

„ეს გადაწყვეტილება იანვრიდან შევიდა ძალაში, როდესაც ახალი ტარიფების მიხედვით მინიმალური ხელფასები გაცემა უნდა მოეხდინათ. შრომის ინსპექცია აქტიურად ჩართულია და ყველა იმ პრობლემაზე მყისიერად რეაგირებს, რაც დასაქმებულების მხრიდან ფიქსირდება, მათი უფლებების დასაცავად. ამ ეტაპზე ისეთი მნიშვნელოვანი და მკვეთრი დარღვევა არ გვაქვს, რადგან აქტიურად ჩართულები არიან და ვფიქრობ, რომ ამ თანამშრომლობის შედეგად პრობლემა საბოლოოდ გადაიჭრება და აღარ ექნებათ სურვილი, რომ ვინმეს მინიმუმზე ნაკლები ხელფასი მისცენ ან ხელოვნურად სხვადასხვა პოზიციებზე გადასწიონ და შეუმცირონ ანაზღაურება. ჩვენ ელექტრონულადაც გავაკონტროლებთ და ყველა იმ თანამშრომელმა, რომელმაც შრომის ინსპექციისთვის ხმის მიწვდენა ვერ მოახერხა, რომ ხელფასი შეუმცირეს ან სხვა პოზიციაზე დანიშნეს. ჩვენ ამას მაინც ვნახავთ იმ ბაზების მიხედვით, სადაც ჩვენ წვდომა გვაქვს. გასულ პერიოდში ანაზღაურებებთან მიმართებით, ვინმეს ხელფასი შეუმცირდა ან სხვა პოზიციაზე დანიშნეს, ამას სწრაფი და ოპერატიული რეაგირება ექნება.

ადრე მიღებულ შრომის კოდექსში სპეციფიკური სამუშაოების ჩამონათვალი განსაზღვრული იყო და საქართველოს მთავრობას უნდა გადაეწყვიტა, ამ სპეციფიკური სამუშაოებით ვის უნდა ესარგებლა. მარტივად, რომ აგიხსნათ, კვირის განმავლობაში ჩვეულებრივი ნორმირებული სამუშაო რეჟიმი არის 40-საათიანი. თუ კვირის განმავლობაში 40 საათზე მეტს მუშაობს ყოველ საათზე დამსაქმებელი ვალდებულია, რომ გადაუხადოს დამატებით ანაზღაურება. ეს არის ლოგიკური, სამართლიანი და ერთ-ერთია ევროკავშირის მოთხოვნებში. ყველა ის დარგი, რომელიც სტრატეგიული მნიშვნელობის და სადაც არ იყო იმის აუცილებლობა, რომ ადამიანებს 48 საათი ემუშავათ და იგივე ხელფასი აეღოთ, როგორც 40 საათიანი სამუშაო რეჟიმის შემთხვევაში. სხვადასხვა ტიპის სამკერვალოები, რესტორნები, სასტუმროები, სუპერმარკეტების გამყიდველები და სხვა მსგავსი ტიპის სამუშაოები ჩვენ დავაწესეთ, რომ მათთვის ნორმირებული 40 საათიანი სამუშაო რეჟიმი იყოს, მათ ყოველ დამატებით საათში დამატებით თანხა უნდა გადაუხადონ“, - განაცხადა აზარაშვილმა.