„თეგეტა“ ქვეყნის უმსხვილესი კომპანიების სამეულშია - ჰოლდინგი „მწვანე ბონდების“ ემისიას გეგმავს

2022 წელი „თეგეტამ“ 20%-იანი ზრდით დაასრულა და მისმა შემოსავალმა მილიარდს გადააჭარბა. ამ მონაცემებით ჰოლდინგი ქვეყანაში უმსხვილესი კომპანიების სამეულშია. ამის შესახებ „თეგეტა ჰოლდინგის“ აღმასრულებელმა დირექტორმა ვახტანგ კაჭარავამ წლის შემაჯამებელ ინტერვიუში ისაუბრა.

„თეგეტას“ ინფორმაციით, საავტომობილო ინდუსტრიის ლიდერმა „თეგეტა ჰოლდინგმა“ გასული წლის დეკემბერში კაპიტალის ბაზარზე უპრეცედენტო მასშტაბის ლარის ემისია განახორციელა. ემიტირებულია 150 მილიონი ლარის ღირებულების ობლიგაციები. 2023 წლის გეგმებში კი ე.წ „მწვანე ბონდების“ ემისიაა.

„თეგეტა ჰოლდინგის“ აღმასრულებელი დირექტორის, ვახტანგ კაჭარავას განცხადებით, გასული წელი გამორჩეული იყო იმითაც, რომ „თეგეტა ჰოლდინგმა“ საქართველოს ისტორიაში ლარში დენომინირებული კორპორაციული ობლიგაციების ყველაზე დიდი ემისია განახორციელა.

„კაპიტალის ბაზრის მონაწილეებს - სადაზღვევო კომპანიებსა და საბანკო სექტორს ჩვენ 150 000 000 ლარის ღირებულების ბონდები შევთავაზეთ. არც რეგიონში და არც აღმოსავლეთ ევროპაში ავტოინდუსტრიის მიმართულებით მსგავსი მასშტაბის ემისია ეროვნულ ვალუტაში აქამდე არ განხორციელებულა. „თეგეტა ჰოლდინგის“ ფასიანი ქაღალდების საჯარო შეთავაზება და დიდი ინტერესი კომპანიის მიმართ მაღალ სანდოობასა და რეპუტაციაზე მიუთითებს. მომავალი წლის პირველ კვარტალში კი, აზიის განვითარების ბანკთან ერთად, ე.წ. „მწვანე ბონდების“ ემისიასაც ვაპირებთ“, - განაცხადა კაჭარავამ.

კომპანიის ინფორმაციით, „თეგეტა“ ისწრაფვის, გახდეს კიდევ ერთი ქართული კომპანია, რომელიც წარმოდგენილია საერთაშორისო ლისტინგში, რაც თავის მხრივ, მსოფლიო აღიარებასთან ერთად, გაზრდილი შესაძლებლობების, მნიშვნელოვანი პროექტებისთვის ფინანსების მოზიდვისა და მხარდაჭერის გარანტია იქნება.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია