ლოიდ ოსტინი - უკრაინის ომის შედეგი მნიშვნელოვანია როგორც ევროპისთვის, ასევე მსოფლიოსთვის

უკრაინის წინააღმდეგ რუსეთის ომის შედეგი მნიშვნელოვანი იქნება არა მხოლოდ უკრაინელებისთვის, არამედ ევროპისა და მსოფლიოს ქვეყნებისთვის.

ამის შესახებ პენტაგონის ხელმძღვანელმა ლოიდ ოსტინმა ბრიუსელში ნატოს მინისტერიალის შემდეგ განაცხადა.

„თითქმის, ერთი წელი გავიდა რუსეთის სასტიკი და არაპროვოცირებული შეჭრიდან უკრაინაში და თითქმის ერთი წელი გავიდა მას შემდეგ, რაც პუტინის დაუფიქრებელმა ომმა ევროპა მეორე მსოფლიო ომის შემდეგ, უსაფრთხოების უმძიმეს კრიზისში ჩააგდო. ამ ტრაგიკული და არასაჭირო ომის შედეგი ძალიან მნიშვნელოვანია უკრაინის, ევროპისა და გლობალური უსაფრთხოებისთვის“, - განაცხადა აშშ-ის თავდაცვის მდივანმა.

მან ხაზგასმით აღნიშნა, რომ პუტინი არა მხოლოდ თავს დაესხა გაეროს მშვიდობიან, სუვერენულ და დემოკრატიულ წევრ ქვეყანას, ის ასევე დაემუქრა წესებისა და ნორმების მკაცრად ჩამოყალიბებულ სისტემას, რომელიც ევროპის უსაფრთხოების გარანტი იყო შვიდ ათწლეულზე მეტი ხნის განმავლობაში.

„მაგრამ ყველაფერი ისე არ წავიდა, როგორც კრემლი გეგმავდა“ , - აღნიშნა ოსტინმა.

მისი თქმით, უკრაინაში რუსეთის მასობრივი შეჭრიდან თითქმის ერთი წლის შემდეგ ნატო უფრო ერთიანი და გადამწყვეტია, ვიდრე ოდესმე.

„ჩვენ მტკიცედ გვაქვს გადაწყვეტილი, ვიყოთ უკრაინის მამაც დამცველებთან იმდენი ხანი, რამდენიც დასჭირდება. ჩვენ ასევე გადაწყვეტილი გვაქვს, დავიცვათ ნატოს ტერიტორიის ყოველი სანტიმეტრი“ , - ხაზგასმით აღნიშნა აშშ-ს თავდაცვის დეპარტამენტის ხელმძღვანელმა.

ოსტინის თქმით, პუტინის აგრესიამ შეცვალა უსაფრთხოების გარემო ნატოს ყველა წევრისა და მსოფლიოს ქვეყნებისთვის. მისი თქმით, ეს დაადასტურა რამშტაინ-9-ის შეხვედრის შედეგებმა 50-ზე მეტი ქვეყნის მონაწილეობით, ის ასევე გახდა ოთხშაბათს ნატოს მინისტერიალის განხილვის მნიშვნელოვანი ნაწილი.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის