რელიგიის საკითხთა სახელმწიფო სააგენტო საქართველოს ეზიდ მოქალაქეებს წმინდა ხიდირაილასისა და ხიდირნაბის დღესასწაულს ულოცავს და წარმატებებსა და კეთილდღეობას უსურვებს მათ.

ამის შესახებ რელიგიის საკითხთა სახელმწიფო სააგენტო განცხადებას ავრცელებს.

„16-17 თებერვალს ეზიდები, მათ შორის - საქართველოს ეზიდური თემი წმინდა ხიდირაილასისა და ხიდირნაბის დღესასწაულს აღნიშნავენ. ეზიდთა წარმოდგენაში, ხიდირნაბი ნატვრის ამსრულებელი და შეყვარებულთა შემწეა, ხიდირაილასი კი ზღვაში მოგზაურთა მფარველი“,- ნათქვამია ინფორმაციაში.