სომხეთმა აზერბაიჯანს სამშვიდობო ხელშეკრულების შესახებ საკუთარი წინადადებების პროექტი გაუგზავნა

სომხეთმა დაასრულა მუშაობა და აზერბაიჯანულ მხარეს გადასცა თავისი წინადადებები სამშვიდობო ხელშეკრულების შესახებ, - ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.

მისივე თქმით, წინადადებები ასევე გადაეგზავნა მინსკის ჯგუფის თანათავმჯდომარე ქვეყნებს, აშშ-ს, საფრანგეთსა და რუსეთს.

„გუშინ სომხეთის რესპუბლიკამ დაასრულა მუშაობა აზერბაიჯანთან მშვიდობისა და ურთიერთობების დამყარებისა შესახებ შეთანხმების მომდევნო ეტაპზე და ჩვენი წინადადებები აზერბაიჯანულ მხარეს გადაეგზავნა. წინადადებებში ვგულისხმობთ დოკუმენტის სრულ პროექტს ჩვენი წინადადებებით. ჩვენ ასევე გავუგზავნეთ დოკუმენტი ეუთო-ს მინსკის ჯგუფის თანათავმჯდომარე ქვეყნებს“, - განაცხადა ფაშინიანმა.

მისი თქმით, ამ დოკუმენტმა გრძელვადიანი და სტაბილური მშვიდობა უნდა უზრუნველყოს.

„ჩვენი ხედვა ასეთია: დოკუმენტი უნდა შეიცავდეს შეთანხმებების ისეთ ლოგიკას, შემოწმებისა და დაბალანსების ისეთ მოქმედ სისტემას, რომელიც გამორიცხავს გრძელვადიანი და სტაბილური მშვიდობის დარღვევის ნებისმიერ სცენარს. ამის აზრი ის არის, რომ დოკუმენტის ხელმოწერა არ უნდა გადაიზარდოს ომში უკვე სამშვიდობო შეთანხმების საფუძველზე (აბსურდულად ჟღერს, მაგრამ ასეთი სცენარი შეიძლება მოხდეს), არამედ, პირიქით, ნამდვილად უნდა ნიშნავდეს გრძელვადიან მშვიდობას “, - აღნიშნა სომხეთის პრემიერმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის