რუსეთის პრეზიდენტი, ვლადიმერ პუტინი საქართველოს ოკუპირებული აფხაზეთის ე.წ. „პრეზიდენტთან“, ასლან ბჟანიასთან შეხვედრას არ გეგმავს.

შესაბამისი განცხადება კრემლის პრესსპიკერმა, დიმიტრი პესკოვმა ჟურნალისტებთან საუბრისას გააკეთა.

„ვლადიმერ პუტინის განრიგში აფხაზეთის პრეზიდენტთან შეხვედრა არ შედის“, - აღნიშნა პესკოვმა.

შეგახსენებთ, ოკუპირებული აფხაზეთის ე.წ. „პრეზიდენტი“, ასლან ბჟანია მოსკოვში იმყოფება. ბჟანიას პრესსამსახურის ინფორმაციით, „სამუშაო ვიზიტის“ ფარგლებში ბჟანია რუსეთის პრეზიდენტის ადმინისტრაციაში შეხვედრებს გამართავს.