წიგნის „შუა საუკუნეების საქართველოს ქრისტიანული ხელოვნების საგანძური” პრეზენტაცია გაიმართა.
ამის შესახებ ინფორმაციას „საზოგადოება ივერიისა“ ავრცელებს.
მათივე ცნობით, ნაშრომის ავტორია ხელოვნეთმცოდნეობის დოქტორი ნანა ბურჭულაძე. წიგნი ეძღვნება სრულიად საქართველოს კათოლიკოს -პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის უწმინდესი და უნეტარესი ილია მეორის აღსაყდრებიდან 45 და დაბადებიდან 90 წლის იუბილეს. წიგნი „საზოგადოება ივერიისა“-ს მხარდაჭერით დაიბეჭდა.
ამასთან, „საზოგადოება ივერიისა“-ს განმარტებით, მახათას მთაზე ღვთისმშობლის სავანის პროექტის მეორე მნიშვნელოვანი მიმართულება საგანმანათლებლო საქმიანობაა, რომელიც ითვალისწინებს თანამედროვე სამეცნიერო -კვლევითი და კულტურულ-საგანმანათლებლო ცენტრის მშენებლობას.
„ჩვენი მემკვიდრეობის მოვლა-პატრონობა და მისი გააზრების მნიშვნელობა „საზოგადოება ივერიისა“-ს ახალი საზოგადოებრივი კამპანიაა.
მეორე ეტაპი გახლავთ ჩვენი კულტურული მემკვიდრეობის, მისი კვლევის, გაცნობიერების და საზოგადოებისთვის მიწოდება-კომუნიკაცია. სწორედ ამ ეგიდით მოხდა ამ მნიშვნელოვანი ნაშრობის მხარდაჭერა“, - აღნიშნა „საზოგადოება ივერიისა“-ს თავმჯდომარე გიორგი თავაძემ.
წიგნი ყველასათვის ხელმისაწვდომია. მისი მობილური და ვებ- ვერსიები შეგიძლიათ ნახოთ. „საზოგადოება ივერიისა“-ს ვებ გვერდზე www.iveriisa.ge