მარნეულში, რეაბილიტირებულ N1 საბავშვო ბაღში სააღმზრდელო პროცესი განახლდა

ქვემო ქართლში, ქალაქ მარნეულის რეაბილიტირებულ N1 საბავშვო ბაღში სააღმზრდელო პროცესი განახლდა. ამის შესახებ ინფორმაციას მარნეულის მუნიციპალიტეტის მერია ავრცელებს.

მათი ცნობით, განახლებული სკოლამდელი აღზრდის დაწესებულება მარნეულის მუნიციპალიტეტის მერმა კენან ომაროვმა, ქვემო ქართლში სახელმწიფო რწმუნებულმა გიორგი დოხტურიშვილმა, მარნეულისა და გარდაბნის მაჟორიტარმა დეპუტატმა პარლამენტში ზაურ დარგალმა, მარნეულის მუნიციპალიტეტის საკრებულოს თავმჯდომარე ამირან გიორგაძემ, ადგილობრივი ხელისუფლების წარმომადგენლებთან ერთად დაათვალიერეს.

“აღსანიშნავია, რომ ბაღის ძველი შენობა იყო მცირე ზომის და ვერ აკმაყოფილებდა თანამედროვე სტანდარტებს. პროექტის ფარგლებში მოხდა შენობის სრული რეაბილიტაცია და გაფართოება, ახალი შენობა-ნაგებობების ხარჯზე; მოეწყო სააღმზრდელო ოთახები, საძინებლები, გასართობი სივრცეები, დარბაზი, სამზარეულო, საპირფარეშოები, დამონტაჟდა ახალი გათბობის სისტემა, კეთილმოწყობილ ეზოში დამონტაჟდა ატრაქციონები. ბაღი აღიჭურვა ყველა საჭირო ინვენტარით. შენობა სრულად ადაპტირებულია შეზღუდული შესაძლებლობის მქონე პირებისთვის. საბავშვო ბაღი გათვლილია 180 აღსაზრდელზე.

პროექტი რეგიონული განვითარების პროექტების ფონდისა და ადგილობრივი ბიუჯეტის თანადაფინანსებით განხორციელდა და მისმა ღირებულებამ 1 188 577 ლარი შეადგინა“, - ნათქვამია გავრცელებულ ინფორმაციაში.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის