რუსეთის საელჩო - სახელმწიფო დეპარტამენტის მაღალჩინოსნის განცხადებები ყირიმზე უკრაინის დარტყმების მხარდაჭერის შესახებ ადასტურებს, რომ აშშ უშუალოდ არის ჩართული კონფლიქტში

აშშ-ის სახელმწიფო დეპარტამენტის მაღალჩინოსნის განცხადებები ყირიმზე უკრაინის დარტყმების მხარდაჭერის შესახებ აშკარა დადასტურებაა იმისა, რომ აშშ უშუალოდ არის ჩართული კონფლიქტში, - ამის შესახებ აშშ-ში რუსეთის საელჩოს პრესსპიკერმა, იგორ გირენკომ განაცხადა.

„სახელმწიფო დეპარტამენტის მაღალჩინოსნის განცხადებები უკრაინის შეიარაღებული ძალების ყირიმზე თავდასხმების მხარდაჭერის შესახებ არის რუსეთის პოზიციის ნათელი დადასტურება, რომ შეერთებული შტატები უშუალოდ არის ჩართული კონფლიქტში. ოფიციალურმა პირმა აღიარა, რომ ადმინისტრაცია ამწვავებს კიევის რეჟიმის ამბიციებს, თავს დაესხას ჩვენს ქვეყანას“, - განაცხადა იგორ გირენკომ.

მისი თქმით, ვაშინგტონი კიევს მხარს უჭერს კონკრეტული ქმედებებითაც.

„ეს არ არის მხოლოდ ვაშინგტონის რიტორიკა, არამედ კონკრეტული ქმედებები. შეერთებული შტატები აქტიურად ამარაგებს კიევს თანამედროვე სისტემებით, რომლებიც გამოიყენება რუსეთის რეგიონების წინააღმდეგ ცეცხლის გახსნისთვის“, - აღნიშნა საელჩოს წარმომადგენელმა.

ცნობისათვის, აშშ-ის სახელმწიფო დეპარტამენტის ხელმძღვანელის მოადგილემ, ვიქტორია ნულანდმა განაცხადა, რომ ყირიმში მდებარე სამხედრო ბაზები უკრაინის ლეგიტიმური სამიზნეა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია