აეროპორტების გაერთიანების განმარტებით, „WizzAir-ის“ თვითმფრინავის ქუთაისიდან ბერლინში მგზავრების ნაწილის გარეშე გაფრენის მიზეზი, 87 პირის დაგვიანებაა

საქართველოს აეროპორტების გაერთიანებაში განმარტავენ, რატომ გაფრინდა კომპანია „WizzAir-ის“ კუთვნილი თვითმფრინავი ქუთაისიდან ბერლინის მიმართულებით მგზავრების ნაწილის გარეშე.

როგორც „ინტერპრესნიუსს“ აეროპორტების გაერთიანებაში განუცხადეს, მგზავრებმა რეისზე დააგვიანეს, თვითმფრინავი კი მათ ვერ დაელოდებოდა.

„მგზავრებმა დააგვიანეს რეისზე. ავიაკომპანიამ მიიღო გადაწყვეტილება, რომ დაგვიანებული მგზავრები რეისზე არ აეშვა. 87-მა მგზავრმა დააგვიანა და თვითმფრინავი ბერლინში 98 მგზავრით გაფრინდა. ვინც დროზე გაიარა პროცედურა და დროზე გამოცხადდა აეროპორტში, ყველა გაფრინდა. უამინდობა იყო თუ რა იყო, რისი ბრალი იყო, გზებზე საცობის ბრალი თუ რა იყო, ფაქტია, რომ დააგვიანეს და თვითმფრინავი კიდევ 1.5 საათის განმავლობაში ხომ არ დაუცდიდა მგზავრებს? დაკეტილი თვითმფრინავი იყო, მოყინვის საწინააღმდეგო პროცესი მიმდინარეობდა“, - განაცხადეს აეროპორტების გაერთიანებაში.

ცნობისთვის, ქუთაისიდან ბერლინში WizzAir-ის თვითმფრინავი 87 მგზავრის გარეშე გაფრინდა. არსებული ინფორმაციით, დიდთოვლობისა და გზაზე შექმნილი პრობლემების გამო თბილისიდან ქუთაისის აეროპორტში მიმავალმა ავტობუსმა, რომელზეც, მათ შორის, ქუთაისი-ბერლინის რეისის მგზავრებიც იმყოფებოდნენ, დააგვიანა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო