ანა დოლიძე - ავტოსაგზაო შემთხვევების საშინელ სტატისტიკაზე პასუხისმგებელი „ქართული ოცნებაა“

პარტია „ხალხისთვის“ ლიდერი, ანა დოლიძე შინაგან საქმეთა სამინისტროსა და საქართველოს პარლამენტს ავტოსაგზაო შემთხვევებთან დაკავშირებით ქმედითი ნაბიჯების გადადგმისკენ მოუწოდებს.

მისივე შეფასებით, სამწუხაროდ, სახელმწიფოს მხრიდან ამ მიმართულებით გვაქვს ნულოვანი ქმედება და ნულოვანი პასუხისმგებლობა.

„რამდენი ხანია, ვითხოვთ შინაგან საქმეთა სამინისტროს ქმედებას ავტოსაგზაო შემთხვევებთან დაკავშირებით. კამპანია „იარე ფრთხილად“ ფარგლებში აუცილებლად გვჭირდება სახელმწიფოს გააქტიურება, რათა შემცირდეს საგზაო შემთხვევების შედეგად გარდაცვლილთა რიცხვი. სამწუხაროდ, სახელმწიფოს მხრიდან ამ მიმართულებით გვაქვს ნულოვანი ქმედება და ნულოვანი პასუხისმგებლობა. ამ ინერტულობასა და არაკომპეტენტურობას ეწირება ასეულობით ადამიანი ყოველ წელს. ოჯახური ტრაგედია დატრიალდა კახეთში, სწორედ იმის გამო, რომ სახელმწიფო არავითარ ნაბიჯებს არ დგამს საგზაო მოძრაობის დასარეგულირებლად. კიდევ ერთხელ მივმართავ საქართველოს პარლამენტსა და შინაგან საქმეთა სამინისტროს, იმოქმედოს ჩვენი თანამოქალაქეების სიცოცხლის გადასარჩენად“, - განაცხადა ანა დოლიძემ.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო