გერმანიის შვიდ აეროპორტში თანამშრომლების 24-საათიანი გაფიცვა თითქმის 300 000 მგზავრს დააზარალებს, - ინფორმაციას Reuters-ი ავრცელებს.

სააგენტოს ცნობით, გაფიცვა ხელფასის მომატების მოთხოვნით დაიწყო.

აეროპორტების ასოციაციის ცნობით, ბრემენის, დორტმუნდის, ფრანკფურტის, ჰამბურგის, ჰანოვერის, მიუნხენის და შტუტგარტის აეროპორტებში 2 340 ფრენის გაუქმებით დაახლოებით, 295 000 მგზავრი ზარალდება.

აღსანიშნავია, რომ გაფიცვა მიუნხენის უსაფრთხოების 59-ე კონფერენციის დღეს ემთხვევა. გაუქმებულ რეისებს შორის არის ერთ-ერთი რეისი, რომლითაც რუმინეთის საგარეო საქმეთა მინისტრი გერმანიაში უნდა ჩასულიყო. ამის გამო, მას ავსტრიაში ჩაფრენა და შემდეგ მიუნხენამდე ავტომობილით 4-საათზე მეტხანს მგზავრობა მოუწევს.