საუნივერსიტეტო-საგანმანათლებლო სტაჟირების პროგრამის „დაიწყე კარიერა კონკურენციის ეროვნულ სააგენტოში“ ფარგლებში, კონკურენციისა და მომხმარებლის უფლებების დაცვის საკითხებზე, ივანე ჯავახიშვილის სახელობის თბილისის სახელმწიფო უნივერსიტეტში სტუდენტებთან შეხვედრა გაიმართა.

კონკურენციის ეროვნული სააგენტოს მიერ გავრცელებული ინფორმაციით, პროექტის მიზანია, სამომავლო დასაქმების პერსპექტივით, სტუდენტების პრაქტიკული უნარ-ჩვევების განვითარება, ხელშეწყობა და მომხმარებლის უფლებების დაცვის სექტორში კვალიფიციური კადრების მომზადება.

„ღონისძიებას სამართლის, ეკონომიკისა და ბიზნესის ადმინისტრირების სტუდენტები ესწრებოდნენ. კონკურენციის ეროვნული სააგენტოს იურიდიული დეპარტამენტის უფროსმა, სოფიო მომცელიძემ და მომხმარებლის უფლებების დაცვის დეპარტამენტის უფროსის მოადგილემ, მარიამ შაიშმელაშვილმა პრეზენტაციები წარადგინეს.

მომხმარებლის უფლებების დაცვის კანონმდებლობის და აღსრულების მექანიზმების შესახებ ცნობიერების ამაღლების მიზნით, 2023 წლის თებერვლის თვეში სხვადასხვა უნივერსიტეტებში, საჯარო ლექციების გამართვა იგეგმება, სადაც სტუდენტებს შესაძლებლობა ექნებათ - სააგენტოს წარმომადგენლებთან ერთად, მათთვის მნიშვნელოვან საკითხებზე იმსჯელონ.

სტაჟირების პროგრამით დაინტერესებულმა პირებმა, 2023 წლის 10 თებერვლიდან - 10 მარტის ჩათვლით, ელ. ფოსტაზე: consumer@gnca.gov.ge განაცხადი უნდა წარმოადგინონ. საკონკურსო პროგრამის შესახებ დეტალური ინფორმაცია შეგიძლიათ იხილოთ: https://admin.competition.ge/uploads/3f5ca1bdced64f7db5d35cba05c22d44.pdf“, - ნათქვამია კონკურენციის სააგენტოს მიერ გავრცელებულ ინფორმაციაში.