ტურიზმის ეროვნულმა ადმინისტრაციამ ესტონეთიდან, ლიეტუვიდან და ლატვიიდან მედიის წარმომადგენლებს უმასპინძლა.
ტურიზმის ეროვნული ადმინისტრაციის ცნობით, პრესტურის ფარგლებში საქართველოს ბლოგერები და წამყვანი ჟურნალისტები ესტუმრნენ.
მათი ინფორმაციით, მედიის წარმომადგენლები ქუთაისში, თეთრა მღვიმეში, წყალტუბოში, ბაღდადში, საირმეში, ბორჯომსა და ბათუმში იმყოფებოდნენ.
„პრესტურის მონაწილეები საქართველოს ბალნეოლოგიური, სამთო და საზღვაო კურორტების შესახებ სიუჟეტებს, ბლოგებსა და სტატიებს ამზადებენ. მედიის წარმომადგენლები ბალტიისპირელ მაყურებელს, მკითხველსა და ინტერნეტ მომხმარებელს საქართველოს კულტურასა და სამზარეულოს გააცნობენ. პრესტურის ფარგლებში დაგეგმილია საქართველოს შესახებ ფილმის გადაღება, რომელიც YouTube-ით გავრცელდება. პრესტურის მიზანია ესტონეთში, ლიეტუვასა და ლატვიაში საქართველოს ცნობადობის გაზრდა და ტურისტული ნაკადების მოზიდვა“,-აღნიშნულია ინფორმაციაში.