42 ქვეყნიდან 700-ზე მეტი სპორტსმენი უკვე ბაკურიანშია - მსოფლიო ჩემპიონატის მასპინძლობით მოვიპოვებთ ათეულობით მილიონი ევროს მარკეტინგულ დაფარვას, - ამის შესახებ ეკონომიკისა და მდგრადი განვითარების მინისტრის მოადგილემ, მარიამ ქვრივიშვილმა ჟურნალისტებთან საუბრისას განაცხადა.

მისივე თქმით, მიმდინარე სპორტულ მოვლენას გააშუქებენ წამყვანი მედია საშუალებები, კერძოდ, "ევრონიუსი", "ევროსპორტი" და სხვა.

" 42 ქვეყნიდან 700-ზე მეტი სპორტსმენი უკვე ბაკურიანშია. ჩვენ, 3 კვირის განმავლობაში გვექნება ძალიან საინტერესო ღონისძიებები, მათ შორის გასართობი. ბაკურიანი და საქართველო საერთაშორისო მედიის ყურადღების ეპიცენტრშია. მიმდინარე სპორტულ მოვლენას გააშუქებენ წამყვანი მედია საშუალებები, კერძოდ, "ევრონიუსი", "ევროსპორტი" და სხვა. ეს ღონისძიება გაზრდის ჩვენი ქვეყნის ცნობადობას საერთაშორისო არეალზე. მსოფლიო ჩემპიონატის მასპინძლობით მოვიპოვებთ ათეულობით მილიონი ევროს მარკეტინგულ დაფარვას",- აღნიშნავს ქვრივიშვილი.