დღეს შიიტი მუსლიმები მაბასის დღესასწაულს აღნიშნავენ. რელიგიის საკითხთა სახელმწიფო სააგენტოს ინფორმაციით, შიიტური მიმდინარეობის მიხედვით ეს დღე მუჰამადის ღვთის მიერ წინასწარმეტყველად დადგინების დღეა.

„მაბასის დღესასწაული არის დღე, როდესაც მუჰამადს პირველი ზეშთაგონება მოევლინა და წინასწარმეტყველური მისია დაეკისრა.

რელიგიის საკითხთა სახელმწიფო სააგენტო საქართველოს შიიტ მუსლიმებს ამ დღესასწაულს ულოცავს. მათ სიკეთესა და ბედნიერებას უსურვებს“, - ნათქვამია გავრცელებულ ინფორმაციაში.