აშშ-სა და სამხრეთ კორეის სამხედრო წვრთნების წინ ჩრდილოეთ კორეამ შორი დისტანციის რაკეტა გაუშვა.

Reuters-ის ცნობით, რაკეტა ქვეყნის აღმოსავლეთ ნაწილიდან გაუშვეს.

იაპონიის ხელისუფლების ინფორმაციით, რაკეტამ ერთი საათი იფრინა და ჩავარდა ოკეანის იმ ნაწილში, რომელიც იაპონიის ექსკლუზიურ ეკონომიკურ ზონას წარმოადგენს.

ცოტა ხნის წინ ცნობილი გახდა, რომ აშშ-სა და სამხრეთ კორეის ერთობლივი ყოველწლიური სამხედრო წვრთნები მომდევნო თვეში გაიმართება. წვრთნების მიზანი სამხრეთ კორეის ბრძოლისუნარიანობის გაძლიერება და ჩრდილოეთ კორეიდან მომავალი საფრთხეების შეკავებაა.