ლუკაშენკოს ბრძანების შემთხვევაში ბელარუსები იძულებულნი იქნებიან იომონ, - ამის შესახებ უკრაინის დაზვერვის მთავარი სამმართველოს წარმომადგენელმა ანდრეი ჩერნიაკმა ბრიტანულ ტელეარხ ITV News-თან განაცხადა.

„ვხედავთ, რომ ბელარუსი თითქოსდა მხარს უჭერს რუსეთს და ამავდროულად ნებისმიერი ხერხით ცდილობს ომს არ შეუერთდეს. ასევე ვხედავთ, მათზე როგორ ზეწოლას ახდენს რუსეთი. უკრაინის სამხედრო დაზვერვის შეფასებით, ბელარუსი სამხედროები იძულებულნი იქნებიან ლუკაშენკოს ბრძანებებს დაემორჩილონ და შესაძლოა უკრაინაში შეჭრას შეუერთდნენ. თუმცა უახლოესი ორი-სამი კვირა რუსებს ბელარუსის ტერიტორიიდან შემოჭრისთვის არც ძალები და არც საშუალებები არ ექნებათ”, - თქვა ჩერნიაკმა.