„მოქალაქეების“ ლიდერი ლევან იოსელიანი აცხადებს, რომ ამერიკელ სენტაორებს „ხალხის ძალის“ მიერ მომზადებულ "უცხოური გავლენის გამჭვირვალობის შესახებ" კანონპრეოქტზე საკუთარ ხედვას გაუზიარებს.

როგორც იოსელიანმა ამერიკელ სენატორებთან შეხვედრამდე მედიას განუცხადა, კანონპროქტი ქვეყნის ინტერესებში არ შედის და მისი პოზიცია თანხვედრაშია პარნიორების მოსაზრებასთან, რომ მისი განხილვაც კი დააზიანებს საქართველოს შესაძლებლობას, მიიღოს კანდიდატის სტატუსი.

„სავარაუდოდ, სენატორებთან შეხვედრის ერთ-ერთი თემა, რა თქმა უნდა, იქნება „ხალხის ძალის“ მიერ წარმოდგენილი კანონპროექტი, რომელიც ჩემი აზრით, ჩვენი ქვეყნის ინტერესებში არ შედის. ამ კანონპროექტზე ცალსახად გვითხრეს ჩვენმა პარტნიორებმა, რომ მისი განხილვაც კი დააზიანებს საქართველოს შესაძლებლობას, მიიღოს კანდიდატის სტატუსი და ნაბიჯი გადადგას ევროკავშირის მიმართულებით. ეს არის მათ შორის ჩემი აზრიც. ვეთანხმები ამ მოსაზრებას და შევეცდები, რომ ჩემი ხედვა ჩვენს პარტნიორებს აშშ-დან გავუზიარო“, - განაცხადა იოსელიანმა.