სენატორები საქართველოს დემოკრატიის უსაფრთხოების დიდი მეგობრები არიან - მათ ძალიან კარგად ესმით რუსეთის საფრთხე და ეს რეგიონი მთლიანად , - ამის შესახებ პარტია ,, დროას” ლიდერმა, ელენე ხოშტარიამ ამერიკელ სენატორებთან გამართული მიღების შემდეგ განაცხადა.

მისივე თქმით, ისინი ის სენატორები არიან, რომელსაც ,,ქართული ოცნების” დეპუტატები შეურაცხყოფით მოიხსენიებენ და რომელთაც ყველაზე დიდი მხარდაჭერა შეუძლიათ ქვეყნის უსაფრთხოებისთვის.

,,ეს სენატორები საქართველოს დემოკრატიის უსაფრთხოების დიდი მეგობრები არიან. მათ ძალიან კარგად ესმით რუსეთის საფრთხე და ეს რეგიონი მთლიანად, უკრაინაში მიმდინარე ომიდან გამომდინარე. ამ პერიოდში საუბარი ჩვენს უსაფრთხოების გამოწვევების და დემოკრატიის გამოწვევებზე, მაშინ, როცა ჩვენი ქვეყნის პრემიერ-მინისტრი რუსეთის პოზიციებზე აჟღერებს მიუნხენში, რა თქმა უნდა, ძალიან მნიშვნელოვანი მათი ვიზიტი. ეს ის ხალხია, რომელსაც ,,ქართული ოცნების” დეპუტატები შეურაცხყოფით მოიხსენიებენ და ის პირებია, რომელსაც ყველაზე დიდი მხარდაჭერა შეუძლიათ ჩვენი უსაფრთხოებისთვის”,- განაცხადა ხოშტარიამ.