პოლონეთის პრემიერ-მინისტრმა მატეუშ მორავიეცკიმ განაცხადა, რომ ის და აშშ-ის პრეზიდენტი ჯო ბაიდენი განიხილავენ პოლონეთში აშშ-ის ჯარების გაზრდისა და მისი მუდმივი ყოფნის შესაძლებლობას.

მორავიეცკიმ CBS-ის ეთერში აღნიშნა, რომ ბაიდენის ადმინისტრაციასთან პოლონური მხარე აღნიშნული საკითხის განხილვის პროცესშია.

“ასევე ძალიან მადლობელი ვარ ახალი პატრიოტის სისტემების და სხვა თანამედროვე იარაღისა და საბრძოლო მასალის გამოგზავნისთვის“, - განაცხადა მან.

CBS-ის ცნობით, პოლონეთში როტაციაზე შეერთებულ შტატებს ამჟამად დაახლოებით 11 000 პერსონალი ჰყავს.

ბაიდენმა გასული წლის ივნისში განაცხადა, რომ რუსეთის მუქარის საპასუხოდ შეერთებული შტატები პოლონეთში ახალ მუდმივ არმიის შტაბ-ბინას შექმნის.

Reuterr-ის ცნობით, ბაიდენი 20-22 თებერვალს უკრაინაში რუსეთის შეჭრის პირველი წლისთავთან დაკავშირებით პოლონეთს ეწვევა. თეთრი სახლის ცნობით, ის პოლონეთის პრეზიდენტს ანჯეი დუდას და აღმოსავლეთ ევროპის მოკავშირეებს შეხვდება, მაგრამ არ აპირებს უკრაინაში გადასვლას.