თურქეთი სამძებრო-სამაშველო ოპერაციას ორი პროვინციის გარდა ყველგან ასრულებს

თურქეთის ხელისუფლება აცხადებს, რომ სამაშველო ჯგუფებმა სამუშაოები ორი ყველაზე დაზარალებული პროვინციის, ქაჰრამანმარაშისა და ჰათაის გარდა ყველგან შეწყვიტეს.

„ჩვენს ბევრ პროვინციაში სამძებრო-სამაშველო სამუშაოები დასრულდა. სამუშაოები გრძელდება ქაჰრამანმარაშისა და ჰათაის პროვინციებში“, - განაცხადა თურქეთის კატასტროფებისა და საგანგებო სიტუაციების მართვის სამსახურის ხელმძღვანელმა, იუნუს სეზერმა

კერძოდ, მისი თქმით, სამაშველო სამუშაოები გრძელდება ქალაქებში, ანთაქიასა და ქაჰრამანმარაში.

აღსანიშნავია, რომ მაშველებმა მიწისძვრიდან 13 დღის შემდეგ ანთაქიაში ნანგრევებიდან ცოლ-ქმარი ცოცხალი ამოიყვანეს. წყვილის სამი შვილი მიწისძვრას ემსხვერპლა. თურქეთის ხელისუფლებაში აცხადებენ, რომ დროის გასვლასთან ერთად ნანგრევების ქვეშ გადარჩენილების პოვნის იმედი იწურება.

ცნობისათვის, დამანგრეველ მიწისძვრას თურქეთში 41 000-ზე მეტი ადამიანი ემსხვერპლა, სირიაში კი - 4 000-ზე მეტი.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის