ჩრდილოეთ კორეამ ორი ბალისტიკური რაკეტა გაუშვა

ჩრდილოეთ კორეამ აღმოსავლეთ სანაპიროდან ორი ბალისტიკური რაკეტა გაუშვა, - ინფორმაციას მედია საშუალებები სამხრეთ კორეის თავდაცვის უწყებაზე დაყრდნობით ავრცელებენ.

ბალისტიკური რაკეტების გამოცდამდე ორი დღით ადრე ჩრდილოეთ კორეამ იაპონიის დასავლეთ სანაპიროს მიმართულებით კონტინენტთაშორისი ბალისტიკური რაკეტა (ICBM) გაუშვა, რამაც კვირას აშშ-სა და სამხრეთ კორეის ერთობლივი საჰაერო წვრთნები გამოიწვია.

წვრთნებს ჩრდილოეთ კორეის ლიდერის, კიმ ჩენ ინის და, კიმ იო-ჯონგი გამოეხმაურა და განაცხადა, რომ წყნარი ოკეანის რეგიონის სასროლ პოლიგონად გამოყენების სიხშირე დამოკიდებულია აშშ-ის ძალების მოქმედების ხასიათზე.

„ჩვენ ყურადღებით განვიხილავთ გავლენას, რომელსაც ეს წვრთნები მოახდენს ჩვენი სახელმწიფოს უსაფრთხოებაზე. ჩვენს მიერ წყნარი ოკეანის რეგიონის სასროლ პოლიგონად გამოყენების სიხშირე დამოკიდებულია აშშ-ს ძალების მოქმედების ხასიათზე“, - აღნიშნა კიმ იო-ჯონგმა.

ჩრდილოეთ კორეის მიერ რაკეტების ბოლოდროინდელ გაშვებაზე კომენტირებისას სამხრეთ კორეის მმართველი პარტიის ხელმძღვანელმა, ჩანგ ჯინი-სუკმა განაცხადა, რომ ფხენიანის პროვოკაციების გაგრძელება გააძლიერებს სამხრეთ კორეის მიერ ბირთვული შეკავების საკუთარი საშუალებების შექმნის აუცილებლობას.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია