ისრაელის საპარლამენტო დელეგაცია თავდაცვისა და საერთაშორისო პოლიტიკის კომიტეტის თავმჯდომარის, იული ედელშტეინის ხელმძღვანელობით კიევში ჩავიდა, - ინფორმაციას უკრაინული მედია უკრაინაში ისრაელის ელჩზე, მაიკლ ბროდსკიზე დაყრდნობით ავრცელებს.
ვიზიტის შესახებ ინფორმაცია გაავრცელა ისრაელში უკრაინის ელჩმა, ევჰენ კორნიიჩუკმაც.
მისი თქმით, დელეგაციის ვიზიტი უკავშირდება შეერთებული შტატების მხრიდან მოწოდებებს კიევსა და იერუსალიმს შორის პარტნიორობის გაძლიერების შესახებ.
„დღეს კიევში იმყოფება ისრაელის საპარლამენტო დელეგაცია თავდაცვისა და საერთაშორისო პოლიტიკის კომიტეტის ხელმძღვანელის, იული ედელშტეინის ხელმძღვანელობით. ეს იმაზე მეტყველებს, რომ მათ მოისმინეს ამერიკელი კოლეგების მიერ ისრაელსა და უკრაინას შორის თანამშრომლობის დონის გამო გამოხატული უკმაყოფილება“, - განაცხადა კორნიიჩუკმა.