ხატია დეკანოიძე - ვაპირებ მონაწილეობა მივიღო კომიტეტებში კანონმდებლობის განხილვაში, რომლითაც ანტიდასავლურ გზავნილებზე მყოფ „ქართული ოცნების" განშტოებას საშუალება ეძლევა იყოს სიდიდით მეორე პოლიტიკური ჯგუფი

ვაპირებ მონაწილეობა მივიღო კომიტეტებში კანონმდებლობის განხილვაში, რომლითაც ანტიდასავლურ გზავნილებზე მყოფ "ქართული ოცნების" განშტოებას საშუალება ეძლევა იყოს სიდიდით მეორე პოლიტიკური ჯგუფი და წარმომადგენლობა ჰქონდეთ ევროატლანტიკურ დელეგაციებში, რაც არის დიდი საფრთხე ქვეყნისთვის,- ამის შესახებ "ნაციონალური მოძრაობის" დეპუტატმა ხატია დეკანოიძემ ჟურნალისტებს პარლამენტში განუცხადა.

მისი თქმით, მნიშვნელოვნად მიიჩნევს, "ნაციონალური მოძრაობა" ბოიკოტიდან დაბრუნდეს პარლამენტში.

"ძალიან დიდი საფრთხეა, რომ ანტიდასავლურ გზავნილებზე მყოფი "ქართული ოცნების" განშტოება იყოს სიდიდით მეორე ფრაქცია, თუ პოლიტიკური ჯგუფი, ჩემთვის ძალიან მნიშვნელოვანია, რომ ევროატლანტიკურ დელეგაციებში მათ არ ჰქონდეთ არანაირი წარმომადგენლობა, ამიტომ ჩემი პოზიცია არ შეცვლილა და მნიშვნელოვნად მივიჩნევ "ნაციონალური მოძრაობის", ჩემი მეგობრების დაბრუნებას პარლამენტში, რომ მონაწილეობა მივიღოთ ამ განხილვებში. ჩემი პოზიცია ჩემმა კოლეგებმა კარგად იციან და ეს საფრთხე დგას განსაკუთრებით, როცა ამ კანონის განხილვა იწყება პარლამენტში. მე ვიზიარებ საპროტესტო აქციებს, იმ სულისკვეთებას, რაც არის ჩვენი მომხრეების დიდ ნაწილში, მაგრამ ძალიან მნიშვნელოვანია, რომ ანტიდასავლურ რიტორიკას არ დავუთმოთ არსად სივრცე, მათ შორის, საქართველოს პარლამენტში. მე კომიტეტებზე ვაპირებ მონაწილეობა მივიღო ამ კანონმდებლობის განხილვაში, რომელიც არის დიდი საფრთხე ქვეყნისთვის. ეს საფრთხეა არა მხოლოდ ადგილობრივ, არამედ საერთაშორისო დონეზე,"- განაცხადა დეკანოიძემ.

ინფორმაციისთვის, პარლამენტის საპროცედურო საკითხთა და წესების კომიტეტმა მხარი დაუჭირა “ხალხის ძალის“ დეპუტატების პროექტს, რომლის მიხედვით, თუკი ერთი პოლიტიკური პარტიის წარდგენით არჩეული დეპუტატები ფრაქციას და პარტიას დატოვებენ, პარლამენტში პოლიტიკური ჯგუფის შექმნას შეძლებენ. აღნიშნული ცვლილების გათვალისწინებით, პოლიტიკური ჯგუფს შექმნიან როგორც “ხალხის ძალის“, ასევე პარტია “საქართველოსთვის“ წარმომადგენლები.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია