მიუნხენში ვიმყოფებოდი და ნახეთ, რომ ძალიან რთული ვითარებაა. არ იციან როდის დასრულდება უკრაინაში ომი. საერთოდ გამოსავალი არ ჩანს ამ სიტუაციაში, -ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა.

მისივე თქმით, უკრაინაში მიმდინარე ომის ფონზე, საქართველოს მთავრობამ ქვეყნის იმ ინტერესების გატარება უნდა გააგრძელოს, რომელიც მხოლოდ ხალხს და ქვეყანას სჭირდება.

„მინდა ხაზგასმით აღვნიშნო, თუ რაოდენ დიდი მნიშვნელობა აქვს ჩვენს პოლიტიკას. ყველაფერი ჩვენი ქვეყნის ეროვნულ უსაფრთხოებას უკავშირდება. ჩვენ რომ სხვა ნაბიჯები გადაგვედგა, საერთოდ არანაირ ეკონომიკურ კეთილდღეობაზე არ იქნებოდა საუბარი. მე მოგეხსენებათ, რომ მიუნხენში ვიმყოფებოდი. ნახეთ, რომ ძალიან რთული ვითარებაა. გამოსავალი არ ჩანს. არ იციან როდის დასრულდება უკრაინაში ომი. საერთოდ გამოსავალი არ ჩანს ამ სიტუაციაში. ასე რომ ჩვენ უნდა გავაგრძელოთ ჩვენი ქვეყნის ეროვნული ინტერესების დაცვა და იმ ინტერესების გატარება, რომელიც მხოლოდ ჩვენს ხალხს და ჩვენს ქვეყანას სჭირდება,“ - განაცხადა პრემიერმა.