ლევან დავითაშვილი - ცალსახა არის ერთი რამ, რომ საქართველო არის სოლიდარული საერთაშორისო საზოგადოების, როდესაც ჩვენ ვსაუბრობთ გაუმართლებელ ომზე უკრაინასთან მიმართებით

ცალსახა არის ერთი რამ, რომ საქართველო არის სოლიდარული საერთაშორისო საზოგადოების, როდესაც ჩვენ ვსაუბრობთ გაუმართლებელ ომზე უკრაინასთან მიმართებით, - ამის შესახებ ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის დასრულების შემდეგ ჟურნალისტის კითხვაზე განაცხადა, თუ სად დგას საქართველო უკრაინის საკითხთან მიმართებით, განსაკუთრებით აშშ-ის პრეზიდენტის, ჯო ბაიდენის კიევში ვიზიტის ფონზე.

როგორც ლევან დავითაშვილმა აღნიშნა, საქართველოს პოზიციები ძალიან მკაფიო და ის თანხვედრაშია საერთაშორისო ცივილიზებული სამყაროს პოზიციებთან.

„ცალსახა არის ერთი რამ, რომ საქართველო არის სოლიდარული საერთაშორისო საზოგადოების, როდესაც ჩვენ ვსაუბრობთ გაუმართლებელ ომზე უკრაინასთან მიმართებით. საქართველომ ეს დაამტკიცა თავისი მხარდაჭერით ყველა საერთაშორისო პლატფორმაზე. თქვენ იცით, რომ საქართველო ასეულობით სხვადასხვა რეზოლუციის წევრია, ჩვენ შევუერთდით ყველა ამ გადაწყვეტილებას, ჩვენ ვიყავით აქტიური ჰუმანიტარული მხარდამჭერი უკრაინელი მეგობრებისა და ძმების. საქართველო დღესაც ათეულობით ათას უკრაინელს აძლევს თავშესაფარს, სოციალურ პირობებს, განათლების საშუალებას. შესაბამისად, ვფიქრობ, რომ აქ ზედმეტია კითხვის დასმა საქართველოს პოზიციებთან დაკავშირებით. საქართველოს პოზიციები ძალიან მკაფიოა და საქართველოს პოზიციები არის თანხვედრაში საერთაშორისო ცივილიზებული სამყაროს პოზიციებთან“,- განაცხადა ლევან დავითაშვილმა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი