სახელმწიფო უსაფრთხოების სამსახურის უფროსმა, გრიგოლ ლილუაშვილმა საქართველოში ევროკავშირის ელჩთან, პაველ ჰერჩინსკისთან გაცნობითი ხასიათის შეხვედრა გამართა. ამის შესახებ ინფორმაციას სახელმწიფო უსაფრთხოების სამსახური ავრცელებს.

მათივე ცნობით, მხარეებმა ევროკავშირსა და საქართველოს შორის უსაფრთხოების მიმართულებით არსებული ურთიერთთანამშრომლობის საკითხები მიმოიხილეს.

„საუბარი ევროკავშირთან თანამშრომლობის სხვადასხვა ფორმატის ფარგლებში სახელმწიფო უსაფრთხოების სამსახურის ჩართულობას შეეხო.

გრიგოლ ლილუაშვილმა პაველ ჰერჩინსკის დიპლომატიურ საქმიანობაში წარმატება უსურვა”, - ნათქვამია ინფორმაციაში.