"ნაციონალური მოძრაობა" 21 თებერვალს, 12:00 საათზე დედაქალაქის მერიასთან აქციას გამართავს.

როგორც "ქართული ოცნების" ცენტრალურ ოფისთან გიორგი მუმლაძემ აღნიშნა, საქართველო არასდროს გახდება რუსეთის გუბერნია.

" 12:00 საათზე მივაკითხავთ კალაძეს დედაქალაქის მერიასთან. მან თქვა, რომ საქართველო რუსეთის გუბერნია უნდა გახდესო. საქართველო არასდროს გახდება რუსეთის გუბერნია",- აღნიშნავს გიორგი მუმლაძე.

"ქართული ოცნების" ცენტრალურ ოფისთან საქართვლოს მესამე პრეზიდენტის, მიხეილ სააკაშვილის მხარდამჭერი აქცია დასრულდა.

ცნობისთვის, მესამე პრეზიდენტის, მიხეილ სააკაშვილის მხარდამჭერი აქციის მონაწილეები მთავრობის ადმინისტრაციიდან „ქართული ოცნების" ოფისისკენ მსვლელობით მივიდნენ. ადგილზე ისინი სკანდირებდნენ: რუსებო! რუსებო! ამასთან, მათ "ქართული ოცნების" ცენტრალურ ოფისთან მიიტანეს ბანერი წარწერით: თავისუფლება მიშას!ცენტრალურ ოფისთან დიდი რაოდენობით სამართალდამცველი იყო მობილიზებული.