დიასპორისა და კავკასიის საკითხთა კომიტეტისა და თურქეთის პარლამენტთან მეგობრობის ჯგუფის ერთობლივ სხდომაზე გიორგი ჯანჯღავას მოუსმინეს

თურქეთში საქართველოს ელჩმა გიორგი ჯანჯღავამ დღეს პარლამენტარებს ქართულ დიასპორაში შექმნილი მდგომარეობის შესახებ მიაწოდა ინფორმაცია. აღნიშნულის შესახებ „ინტერპრესნიუსს“ საქართველოს პარლამენტიდან აცნობეს.

მან დიასპორისა და კავკასიის საკითხთა კომიტეტისა და თურქეთის რესპუბლიკის პარლამენტთან მეგობრობის ჯგუფის ერთობლივ სხდომაზე ონლაინ ჩართვისას ისაუბრა.

გიორგი ჯანჯღავას თქმით, მიწისძვრის შედეგად თურქეთში დაიღუპა საქართველოს 5 მოქალაქე. განხორციელდა 40 მოქალაქის ევაკუაცია.

როგორც ელჩმა განაცხადა, საქართველოს საელჩო ჩართული იყო საქართველოდან ჩამოსული 3.7 მლნ. ლარის ღირებულების ჰუმანიტარული ტვირთის კოორდინირებაში.

მისივე ინფორმაციით, თურქეთის რეგიონში საქართველოს 200 მაშველი იმყოფებოდა.

„ჩვენი მაშველები ჯერ კიდევ იმყოფებიან ზონაში და ჩვენ საგანგებო რეჟიმში გვიწევს მუშაობა", - განაცხადა ელჩმა.

დიასპორისა და კავკასიის საკითხთა კომიტეტის თავმჯდომარე ბექა ოდიშარიამ პრემიერ მინისტრს ირაკლი ღარიბაშვილს თურქეთში გაგზავნილი ჰუმანიტარული ტვირთისთვის მადლობა გადაუხადა.

კომიტეტის თავმჯდომარემ ასევე მადლობა გადაუხადა საქართველოდან წასულ მაშველებს გაწეული საქმიანობისთვის.

როგორც ბექა ოდიშარიამ განაცხადა, საქართველო მზად არის, დაეხმაროს როგორც საქართველოს, ისე თურქეთის მოქალაქეებსაც.

„დღეს, რა თქმა უნდა, მნიშვნელობა არ აქვს ჩვენ ქართველებს ვეხმარებით თუ თურქებს. გთხოვთ ყველას, ვისზეც ხმა მიგიწვდებათ გადასცეთ, რომ საქართველოს ხალხს, ხელისუფლებას ახსოვს, რომ ბოლო 30 წელიწადი ყველაზე პირველი დახმარების ხელს სწორედ თურქეთის ხელისუფლება უწვდიდა საქართველოს. ჩვენ თავს მოვალედ ვთვლით, რომ გვერდში დავუდგეთ თურქ ხალხს ამ გაჭირვებაში", - განაცხადა ბექა ოდიშარიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024