ალექსეი ნავალნი აცხადებს, რომ პატივს სცემს 1991 წლის მდგომარეობით, უკრაინის საერთაშორისოდ აღიარებულ საზღვრებს
პატიმრობაში მყოფი რუსი ოპოზიციონერი ლიდერის, ალექსეი ნავალნის განცხადებით, ის პატივს სცემს 1991 წლის მდგომარეობით, უკრაინის საერთაშორისოდ აღიარებულ საზღვრებს.
ამის შესახებ აღნიშნულია ნავალნის 15-პუნქტიანი პოლიტიკური პლატფორმის დღის წესრიგში, რომელიც ლატვიაში ბაზირებულმა რუსულმა მედიასაშუალებამ „მედუზამ“ გამოაქვეყნა.
ამასთან, რუსი ოპოზიციონერი ლიდერის თქმით, ის ოფიციალური კიევისთვის რუსეთის ომის შედეგად მიყენებული ზიანის კომპენსაციასაც მხარს უჭერს.
როგორც ნავალნიმ ტექსტში აღნიშნა, „ოცდამეერთე საუკუნეში საზღვრების შესაცვლელად ვერ ვიბრძოლებთ. წინააღმდეგ შემთხვევაში, მსოფლიო ქაოსში აღმოჩნდება".
გარდა ამისა, ნავალნი შეთავაზებით გამოდის უკრაინას მიეცეს ისე განვითარების საშუალება, როგორც ეს უკრაინელ ხალხს სურს, რაც ნიშნავს "აგრესიის შეჩერებას, ომის დასრულებას და ყველა რუსული საჯარისო დანაყოფის უკრაინის ტერიტორიიდან გაყვანას".
