კრემლის განცხადებით, რუსეთის ურთიერთობები მოლდოვასთან "ძალიან დაძაბულია". ამასთან, ოფიციალური მოსკოვი კიშინიოვს "ანტი-რუსულ დღის წესრიგში“ ადანაშაულებს.

ინფორმაციას დასავლური მედია აქვეყნებს.

მათივე ცნობით, კრემლის პრეს-სპიკერმა, დიმიტრი პესკოვმა ჟურნალისტებთან საუბრისას განაცხადა, რომ რუსეთი სეპარატისტულ რეგიონში მის მიერ განლაგებულ სამშვიდობო ძალებთან მიმართებით "პასუხისმგებლობით" მოქმედებს.

პესკოვმა მოლდოვის ხელმძღვანელობა ანტი-რუსულ ისტერიაშიც დაადანაშაულა.

„ჩვენი ურთიერთობა მოლდოვასთან უკვე ძალიან დაძაბულია. [მოლდოვის] ხელმძღვანელობა ყოველთვის ყველაფერ ანტირუსულზე ფოკუსირდება“, - განაცხადა კრემლის პრეს-სპიკერმა.

შეგახსენებთ, მოლდოვის პრეზიდენტმა მაია სანდუმ რუსეთი მისი ქვეყნის დესტაბილიზაციის მცდელობაში დაადანაშაულა.