რუსთავის მერიის ა(ა)იპ ,,რუსთავსერვის ცენტრმა“, თოდრიას ქუჩაზე გამწვანების აქცია გამართა. რუსთავის მერიის ცნობით, სეზონური რგვის ფარგლებში, გამწვანების სამსახურის თანამშრომლებმა, აღნიშნულ ქუჩაზე ელდარის ფიჭვისა და კიპაროსის ნერგები დარგეს.
მათი ინფორმაციით, ,,რუსთავსერვის ცენტრის“ სანერგე მეურნეობაში, სხვადასხვა დასახელების ათასობით ხე-მცენარის გამოყვანა და შემდგომ ქალაქის მასშტაბით გადანაწილება, ბოლო ერთი წლის განმავლობაში აქტიურად მიმდინარეობს.
როგორც ,,რუსთავსერვის ცენტრში“ აცხადებენ, სანერგე მეურნეობაში გამოყვანილი ხე-მცენარეები, მიმდინარე წელს ათ სხვადასხვა ლოკაციაზე დაირგვება.
2022 წელს, რუსთავის მასშტაბით, 2602 სხვადასხვა ჯიშის ხე-მცენარე დაირგა.
