ლევან ხაბეიშვილი საინტერესო ჯამბაზია - მე მეგონა, უკვე შევარდნილი იყო კლინიკაში, თურმე არ ყოფილა, - ამის შესახებ დედაქალაქის მერმა კახა კალაძემ ჟურნალისტებთან განაცხადა.
აღნიშნულით კალაძე ხაბეიშვილის განცხადებას გამოეხმაურა იმის თაობაზე, რომ „დედაქალაქს მკვლელი, კორუმპირებული, ფულზე დახარბებული რუსეთუმე მერი ჰყავს“.
„თბილისშია კიდევ? არ შევარდნილა? საინტერესო ჯამბაზია. როდესაც არჩევნები მიმდინარეობდა, მხარს ვუჭერდი და ახლაც ვუჭერ. დაველოდოთ, ძალიან საინტერესო გასართობი სცენები გველოდება მომავალში. მთავარ როლში აუცილებლად ვიხილავთ ლევან ხაბეიშვილს. მე მეგონა, უკვე შევარდნილი იყო კლინიკაში, თურმე არ ყოფილა“, - აღნიშნა კალაძემ.
ცნობისთვის, „ერთიანი ნაციონალური მოძრაობის“ თავმჯდომარემ, ლევან ხაბეიშვილმა პარტიაში მიმდინარე წინასაარჩევნო კამპანიის დროს აღნიშნა, რომ თუ საჭირო გახდებოდა, მიხეილ სააკაშვილს ფიზიკურად გამოიხსნიდა.
