კახა ოქრიაშვილი - „გამოგორდა“ უწიგნური კალაძე და განაცხადა, რომ არ აინტერესებს ზახაროვას განცხადება, სადაც ის ამბობს, რომ „ოცნების“ ხელისუფლებას სააკაშვილი ციხეში რუსეთის დავალებით ჰყავს - კალაძეს ეს არ აინტერესებს, რადგან ეს სიმართლეა

„გამოგორდა“ უწიგნური კალაძე და განაცხადა, რომ არ აინტერესებს მარია ზახაროვას განცხადება, სადაც ის ამბობს, რომ „ოცნების“ ხელისუფლებას სააკაშვილი ციხეში რუსეთის დავალებით ჰყავს. კალაძეს ეს არ აინტერესებს, რადგან ეს არის სიმართლე, - ასე ეხმაურება საპარლამენტო ფრაქცია „ერთიანი ნაციონალური მოძრაობა - ძალა ერთობაშიას“ წარმომადგენელი კახა ოქრიაშვილი თბილისის მერის განცხადებას საგარეო საქმეთა სამინისტროს ოფიციალურ წარმომადგენელ მარია ზახაროვაზე.

როგორც ოქრიაშვილი აცხადებს, „ოცნებამ“ 2020 წლის საპარლამენტო არჩევნები გააყალბა და ის არალეგიტიმური ხელისუფლებაა, "ხოლო ამ განცხადებებით, რომელიც რუსული აგენტურის ტოტალური „coming out “-ია საქართველოში კარგავენ ლეგიტიმაციის უკანასკნელ ნარჩენებს".

„გამოგორდა“ უწიგნური კალაძე და განაცხადა, რომ არ აინტერესებს მარია ზახაროვას განცხადება, სადაც ის ამბობს, რომ „ოცნების“ ხელისუფლებას სააკაშვილი ციხეში რუსეთის დავალებით ჰყავს. კალაძეს ეს არ აინტერესებს, რადგან ეს არის სიმართლე და მას პასუხი არ აქვს, მაგრამ მთელ საზოგადოებას გვაინტერესებს. ის ევროკავშირს, ამერიკის შეერთებულ შტატებს და სხვა სტრატეგიულ მოკავშირეებს უწოდებს ე.წ. მეგობრებს, ანუ ამბობს, მეგობრები არ არიან, ჩვენი მტრები არიანო და მათი რეკომენდაციები არ მაინტერესებსო. ჩვენი საზოგადოების 80 %-ზე მეტს კი აინტერესებს, უსმენს და მნიშვნელოვანია მათი აზრი! იცით, რატომ არ აინტერესებს კალაძეს არაფერი? იმიტომ, რომ მან მოახერხა და ავტობუსების შესყიდვა, პირველივე ლოტით, 20 მილიონი დოლარით უფრო ძვირად განახორციელა, ვიდრე მსოფლიოს დანარჩენმა ქალაქებმა. საზოგადოებას უჩნდება ეჭვი, რომ ეს ფასთა სხვაობა, რომელიც ჯამში, 20 მილიონი დოლარია, ხალხის ფულიდან არის მითვისებული. შეგახსენებთ ცნობილ გამონათქვამს - ხალხს ჰყავს ისეთი ხელისუფლება, როგორსაც იმსახურებს. მე, როგორც ქართველი ადამიანი, ივანიშვილისა და კალაძისნაირ ხელისუფლებას არ ვიმსახურებ! მათი განცხადებები აჩვენებს, როგორ არიან ისინი დაშორებულნი ჩვენს ხალხს, ჩვენი ხალხის მისწრაფებებს და როგორ კიდიათ ფეხებზე ხალხის ნება. „ოცნებამ“ 2020 წლის საპარლამენტო არჩევნები გააყალბა და ის არალეგიტიმური ხელისუფლებაა, ხოლო ამ განცხადებებით, რომელიც არის, პრაქტიკულად, რუსული აგენტურის ტოტალური „coming out “ საქართველოში, ისინი კარგავენ ლეგიტიმაციის უკანასკნელ ნარჩენებს! როცა ავტობუსების საქმეზე ბატონი კალაძე გასამართლდება სამართლიან სასამართლოში და დარწმუნებული ვარ, მიეცემა სისხლის სამართლის პასუხისგებაში, მისი ბედიც არავის დააინტერესებს და მისი პიროვნება არავის ემახსოვრება", - აღნიშნა ოქრიაშვილმა, რომლის კომენტარსაც პრესსამსახური ავრცელებს.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად